અડેપટીવ ટ્રાયલ યોજના હેઠળ બીજ મહોત્સવ ખરીફ-2023 અંતર્ગત અગ્રીમ હરોળ નિદર્શન તાલીમ શિબિર યોજાઈ:
શ્રોત: ગ્રામિણ ટુડે ન્યુઝ, 24×7 વેબ પોર્ટલ
ડેડીયાપાડા કૃષિ વિજ્ઞાન કેન્દ્ર ખાતે અડેપટીવ ટ્રાયલ યોજના હેઠળ બીજ મહોત્સવ ખરીફ-2023 અંતર્ગત અગ્રીમ હરોળ નિદર્શન તાલીમ શિબિર યોજાઈ:
નર્મદા જિલ્લામાં આવેલ દેડીયાપાડા કૃષિ વિજ્ઞાન કેન્દ્ર ખાતે અડેપટીવ ટ્રાયલ યોજના હેઠળ બીજ મહોત્સવ ખરીફ – 2023 અંતર્ગત અગ્રીમ હરોળ નિદર્શન તાલીમ શિબિર તારીખ 8 મી,જૂન 2023 નાં રોજ આયોજન કરવામાં આવ્યું હતું.
આ કાર્યક્રમમાં આદિવાસી વિસ્તારના અનેક ખેડૂતોએ ભાગ લીધો હતો. ડાંગરની વૈજ્ઞાનિક ખેતી અંગેની તાલીમ તેમની વિશેષ લાક્ષણિકતાઓ સાથે (રોપાણ અને ઓરાણ ડાંગર) ડૉ. પી.ડી.વર્માએ શિબિરનું નેતૃત્વ કર્યું હતું. તેમજ ડૉ.એમ.વી. તિવારીએ લાલકડા ગોલ્ડ (GNR-9) ના પોષક મૂલ્ય વિશે માહિતી આપી હતી. પ્રો.એન.વી.ચૌધરીએ હવામાનની આગાહી અંગે તેમનો અભિપ્રાયો જણાવ્યા હતા. તેમજ ઉપસ્થિત ખેડૂતોને રોપાણ ડાંગર- GR-13, પરિમલ(GR-24), GR- 20, લાલકડા ગોલ્ડ (GN-9), દેવલીકોલમ (GR-18), તેમજ ઓરાણ ડાંગર -પૂર્ણા અને તાપી (GR -16) બિયારણનું આજની તાલીમ શિબિર કાર્યક્રમમાં વિતરણ કરવામાં આવ્યું હતું.
રિપોર્ટર: સર્જન વસાવા, નર્મદા
